top of page

婚 禮 花 球 色 系 推 薦

最近好似都幾多人結婚💐

結婚係一件好開心嘅事 😆 登大家開心~

恭喜晒各位準備結婚嘅新郎新娘🎉




唔知道準備結婚嘅新娘諗好結婚用咩色調嘅花球未呢?雖然我哋而家都暫時唔接Wedding嘅job,不過小編都可以略略推薦一下咩色調係比較吸引同適唔適合各位,比啲靈感大家搞個靚靚嘅婚禮🥰🌹


🌸 粉色系

女仔通常都希望婚禮充滿初戀嘅味道💕粉紅色都屬於好受歡迎同唔會輸系列😆如果覺得粉紅色有啲單調,可以揀一啲粉嫩橘色,亦係近年比較hit嘅顏色,粉中帶點橘🧡




🔮 紫色系

紫色嘅花都係唔錯嘅選擇,紫色不嬲比人嘅印象都好淑女、優雅,正正啱晒準新娘嘅形象,由少女變成可以成家嘅新娘。靚之餘又有幾分貴氣✨✨



🦋 藍色系

藍色嘅花一向係女仔心水之一,雖然係婚禮上就比較少見,但慢慢亦有唔少女仔會揀藍色系作為主色調。藍色比人感覺好純潔清新,好襯小鳥依人既形象。



🍏 x 白色

綠x白mix嘅花都係近年熱門色系,可以選擇霧綠或鮮綠搭配白色都一樣搶眼,霧綠色更有vintage味道,令整個婚禮感覺都好舒暢寫意。



🌹 紅色系

紅色比人感覺壯壯烈烈,好大氣既感覺。用紅色系花嘅你一定係全場嘅主角🌹高貴嘅紅色同白婚紗襯埋一齊,人哋嘅眼球一定可以捕捉到你😆


介紹就到呢度❣️希望大家可以有個難忘又靚靚嘅big day~❤️❤️

Comentarios


bottom of page